Ժամանակակից աշխարհն այնքան արագ է զարգանում, որ մենք, երբեմն, չենք հասցնում հետևել դրան։ Աճում են քաղաքները, զարգանում են ենթակառուցվածքները, տեխնոլոգիական առաջընթացն ուղղակի սլանում է։ Սոցիալական պատասխանատվությունը ժամանակակից հասարակության զարգացման կարևոր ոլորտներից է, սակայն հենց այն է, որ Հայաստանում զարգանում է ոչ այնքան արագ և որակով, որքան անհրաժեշտ է: Մեր խնդիրն է Հայաստանում սոցիալական ոլորտը հասցնել համաշխարհային մակարդակի, միավորել հասարակական կազմակերպություններն ու սոցիալական ձեռներեցության նախագծերը մեկ գաղափարի  շուրջ՝ պետության հետ միասին լուծել սոցիալական խնդիրները: Մեր նպատակն է՝ ստեղծել սոցիալապես պատասխանատու հասարակություն, վերացնել սոցիալական անհավասարությունը, բարձրացնել հասարակության վստահությունը բարեգործության ոլորտի նկատմամբ, ներդնել պատասխանատու սպառման տեխնոլոգիաներ և զարգացնել բարեգործության ոլորտը Հայաստանում: